Рубрика: Молитвы

МОЛИТВА ПРЕД ИКОНОЙ БОЖИЕЙ МАТЕРИ «ПРИБАВЛЕНИЕ УМА»

О Пресвятая Дево! Ты — Невеста Бога Отца и Матерь Божественнаго Его Сына Иисуса Христа! Ты — Царица Ангелов и спасение людей, обличительница грешников и наказательница богоотступников.

Помилуй и нас, тяжко согрешивших и не исполнивших заповедей Божиих, нарушивших обеты крещения и обеты монашества и многие другие, которые обещали исполнять.

Когда Дух Святый отступил от царя Саула, тогда боязнь и уныние напали на него и тьма отчаяния и безрадостное состояние души мучили его. Теперь и мы за грехи наши все лишились благодати Духа Святаго.

Ум осуетился суетою помышлений, забвение о Боге омрачило души наша, и теперь теснят сердце всякаго рода печали, скорби, болезни, ненависть, зло, вражда, мстительность, злорадство и прочие грехи.

И, не имея радости и утешения, зовем к Тебе, Мати Бога нашего Иисуса Христа, да умолиши Сына Твоего простить нам все наши согрешения и послать к нам Духа Утешителя, как послал Он Его на апостолов, да утешенные и просвещенные Им воспоим Тебе благодарственную песнь: радуйся Пресвятая Богородице, ко спасению прибавившая нам ума. Аминь.

МОЛИТВА О ВОССТАНОВЛЕНИИ МИРА

Владыко Многомилостиве Господи, Иисусе Христе, Боже наш, молитвами Всепречистыя Владычицы нашея Богородицы и Приснодевы Марии, святых равноапостольных великого князя Владимира и великия княгини Ольги, святых Новомучеников и исповедников Церкви нашея, преподобных и богоносных отец наших Антония и Феодосия, Киево-Печерских чудотворцев, Читать дальше …

МОЛИТВА О МИРЕ

Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем.

Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.

МОЛИТВА О МИРЕ В УКРАИНЕ

Господи Иисусе Христе Боже наш, призри милостивным Твоим оком на скорбь и многоболезненный вопль чад Твоих, в земле украинстей сущих.

Избави люди Твоя от междоусобныя брани, утоли кровопролития, отврати належащия беды. Лишенныя крова введи в домы, алчущия напитай, плачущия утеши, разделенныя совокупи.

АКАФИСТ ВЕЛИКОМУЧЕНИЦЕ АНАСТАСИИ УЗОРЕШИТЕЛЬНИЦЕ

Молитва
О многострадальная и премудрая великомученице Христова Анастасие! Ты душею на Небеси у Престола Господня предстоиши, на земли же данною тебе благодатию различная совершаеши исцеления; призри убо милостивно на предстоящия люди и молящияся пред иконою твоею, просящия твоея помощи, простри ко Господу святыя молитвы о нас и испроси нам оставление согрешений наших, помощи в трудах милосердных, укрепления духа в служении, кротости, смирения и послушания, недужным исцеление, скорбящим и во узах сущим скорую помощь и заступление, умоли Господа, да подаст всем нам христианскую кончину и добрый ответ на Страшнем Судищи Своем, да сподобимся и мы купно с тобою славити Отца и Сына и Святаго Духа. Аминь.

МОЛИТВА РАВНОАПОСТОЛЬНОЙ НИНЕ

Святая равноапостольная Нина, моли Бога о нас! Седален Якоже солнце незаходимое, Солнца Правды — Христа Бога проповедница, светозарная звезда, светлый вселенныя светильник, неоцененное сокровище Иверския страны, днесь Нина в земли нашей сияет и благоухает, наставница наша, равноапостольная раба Христова. Кондак Читать дальше …

МОЛИТВА МУЧЕНИЦЕ ТАТИАНЕ

Святая мученице Татиано, невесто Сладчайшаго Жениха твоего Христа, моли Бога о нас!

Седален, глас 4

Сугуб совершивши, мученице, подвиг на земли, сугуб и венец сподобилася еси прияти от руки Жениха твоего: постилася бо еси, страсти плотския обуздающи, пострадавши же законно, врага низложила еси. Темже мольбами твоими спаси ны от напастей.

Кондак 13

О, всеславная и великоименитая мученице Христова Татиано, девства и чистоты сосуд златый! Ныне милостивно призри на молящияся ти и прилежно просящия твоего молитвеннаго у Бога предстательства. Даруй нам чистоту тела и души, избави нас мучений греховных, да выну Господу зовем: Аллилуиа.

МОЛИТВА КО ГОСПОДУ О СТРОИТЕЛЬСТВЕ ХРАМА

Господи, Боже наш, помяну́вше словесá Божественнаго Писания: «áще не Господь созиждет дом, всуе трудишася, зиждущии», — припадаем к Твоей благости недостойнии раби Твои и смиренно молим: простри с высоты всещедрую руку Твою, и небесным Своим благословением благослови сие строительство во славу Твою совершити.
Буди Сам устроителем храма сего и вразуми нас во еже, ведети како и что творити, дабы, созидающе дом Твой, ниже, оставляли есмы в забвении домы сердец наших, памятуя, яко Церковь не токмо стены, но люди, являющие Тело Христово.
И ныне благоволи, Владыко, молитвами Святой великомученицы Анастасии Узорешительницы во граде Минске, воздвигнутися храму Твоему ради спасения народа Твоего. Да и в нем до скончания мира сего славится Пречестное и Великолепое Имя Твое Отца, и Сына и Святаго Духа, ныне и присно и во веки веков. Аминь.